|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 207 Hüküm no: 248 Orijinal metin no: [137-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Kahraman bt. Abdullah’ın zevci Keyvan b. Abdullah’tan muhâlaa ile boşandığı
Havâss-ı aliyye kazâsına tâbi‘ Hasköy mahallâtından Pîrî Paşa mahallesinde sâkine Kahraman bt. Abdullah nâm hâtun meclis-i şer‘-i hatîr-i lâzımü’t-tevkīrde işbu râfi‘ü’l-kitâb zevci Keyvan b. Abdullah nâm kimesne mahzarında bi’t-tav‘i’s-sâf ikrâr ve takrîr-i kelâm edip zevcim mezbûr Keyvan zimmetinde olan bin dört yüz akçe mehr-i müeccelimin ve nafaka-i iddetimin ve zimmetinde olan karz-ı şer‘îden bin iki yüz akçe hakkımın üzerine muhâla‘a edip ve zevciyyete müte‘allik olan cemî‘ de‘âvî ve husûmâtdan biribirimizin zimmetini ibrâ eyledik dediğinde mezbûr Keyvan zevcesi mezbûre Kahraman ile vech-i mezbûr üzerine hul‘ ve ibrâ eylediğini tasdîk ve tahkīk edicek mâ hüve’l-vâki‘ bi’t-taleb ketb olundu. Tahrîren fi’l-yevmi’s-sâmin aşer min Ramazâni’l-mübârek li sene semânin ve erba‘în ve elf.
Şuhûdü’l-hâl: Mehmed Beşe b. Hasan er-Râcil, Mahmud b. Ahmed, Mehmed b. Sefer, Ali Beşe [b.] Abdullah, Ali Beşe [b.] Abdullah, Mehmed Beşe [b.] Abdullah
|