.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 211
Hüküm no: 254
Orijinal metin no: [140-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Yusuf b. Abdullah’ın Nikola’ya ait iki İmroz kebesini çaldığı

Mahmiye-i İstanbul hısnı ebvâbından Balık Pazarı kapısı hâricinde sâkin Nikola v. Kostantin nâm zimmî Yusuf b. Abdullah nâm kimesneyi meclis-i şer‘-i hatîr-i lâzımü’t-tevkīre ihzâr ve mahzarında üzerine takrîr-i da‘vâ edip mezbûr Yusuf târih-i kitâbdan bir gün mukaddem sâkin olduğum dükkânın taşrasından yüzer akçe kıymetli iki İmroz kebemi serika edip hâlen şimdi mezbûr Yusuf’un yedinde buldum suâl olunup takrîri tahrîr olunmak matlûbumdur dedikde gıbbe’s-suâl mezbûr Yusuf cevâbında fi’l-hakīka târih-i kitâbdan bir gün mukaddem zikr olunan mahalden merkūm Nikola’nın iki İmroz kebesini ahz eyledim deyû hafiyyeten ahz eylediğini bi’t-tav‘i’s-sâf ikrâr ve i‘tirâf edicek mâ hüve’l-vâki‘ bi’t-taleb ketb olundu. Tahrîren fi’l-yevm ( ) min Şevvâli’l-mükerrem li sene semânin ve erba‘în ve elf.


Şuhûdü’l-hâl: es-Seyyid Mustafa b. Ahmed, Mustafa b. Arslan, Ali b. Abdullah, Halil b. Muslihiddin ve gayruhüm