.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 214
Hüküm no: 260
Orijinal metin no: [143-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


İstati v. İstemad’ın Kemal v. Yakob’dan borcu karşılığı aldığı rehinleri inkâr ettiği, ispat için Kemal’e mühlet verildiği

Havâss-ı aliyye kazâsı muzâfâtından Hasköy’de sâkin Kemal v. Yakob nâm Yahudi meclis-i şer‘a râfi‘ü’l-kitâb İstati v. İstemad nâm zimmîyi ihzâr ve mahzarında üzerine takrîr-i da‘vâ edip beş sene mukaddem mezbûr İstati’den iki bin akçe istikrâz ve kabz edip meblağ-ı mezbûr mukābelesinde bir beyaz atlas kaftan ve bir altın yüzük rehin vaz‘ edip meblağ-ı mezbûr iki bin akçeden bin iki yüz akçesin mukaddemâ mezbûr İstati’ye edâ ve teslîm edip hâlen zimmetimde sekiz yüz akçesi kalmışdır, rehin vaz‘ eylediğim bir atlas kaftanımı ve bir altın yüzüğümü ihzâr eylesin, sekiz yüz akçesin dahi edâ edeyim dedikde gıbbe’s-suâl mezbûr İstati husûs-ı mezbûru bi’l-külliye inkâr edicek müdde‘î-i mezbûr Kemal’den müdde‘âsına mutâbık beyyine taleb olunup mehl-i şer‘î ile imhâl olundukda mâ hüve’l-vâki‘ bi’t-taleb ketb olundu. Tahrîren fî evâhiri Şevvâli’l-mükerrem li sene semânin ve erba‘în ve elf.


Şuhûdü’l-hâl: ( )