.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 216
Hüküm no: 265
Orijinal metin no: [145-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Polokrini v. Apostol’un Mehmed b. Yunus’a kereste bedelinden olan borcunu taksitlendirdiği

Havâss-ı aliyye kazâsına tâbi‘ Hasköy mahallâtından Pîrî Paşa mahallesinde sâkin Polokrini v. Apostol nâm zimmî meclis-i şer‘-i hatîr-i lâzımü’t-tevkīrde işbu râfi‘ü’l-kitâb Mehmed b. Yunus nâm kimesne mahzarında bi’t-tav‘i’s-sâf ikrâr ve takrîr-i kelâm edip mezbûr Mehmed’e kereste bahâsından iki bin akçe deynim olup lâkin dâyin-i mezbûr dahi deyn-i mezkûru târih-i kitâbdan beş aya varınca her ayda dörder yüz akçe vermek üzre taksît edip ben dahi taksît-i mezkûru kabûl edip deyn-i mezkûr tamâm olunca mezbûr Mehmed’e [146] her ayda dörder yüz akçe vermeğe ta‘ahhüd eyledim dedikde medyûn-ı mezkûru ikrâ[r-ı] meşrûhunda dâyin-i mezbûr bi’l-muvâcehe tasdîk ve nehc-i mezkûr üzre taksît-i mezbûru tahkīk edicek mâ hüve’l-vâki‘ bi’t-taleb ketb olundu. Tahrîren fi’l-yevmi’t-tâsi‘ min Zilka‘deti’ş-şerîfe li sene semânin ve erba‘în ve elf.


Şuhûdü’l-hâl: Ali b. Abdullah, Tatyos v. Latef, Hadroş? v. Dader ve gayruhüm mine’l-hâzırîn