|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 217 Hüküm no: 266 Orijinal metin no: [146-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Salamon v. Avraham’ın Mehmed Bey’e olan borcunu on ay sonra ödemek üzere anlaştıkları
Havâss-ı aliyye kazâsına tâbi‘ Hasköy mahallâtından Pîrî Paşa mahallesinde sâkin Yahudi tâ’ifesinden Salamon v. Avraham nâm Yahudi meclis-i şer‘-i hatîr-i lâzımü’t-tevkīrde işbu hâfızü’l-kitâb Mehmed Bey b. Mustafa nâm bevvâb-ı sultânî mahzarında bi’t-tav‘i’s-sâf ikrâr ve takrîr-i kelâm edip mezbûr Mehmed Bey’e cihet-i karz-ı şer‘îden sekiz bin akçe deynim olup lâkin meblağ-ı mezbûru [târih-i] kitâbdan on ay tamâmına değin müeccel eyledik, on ay tamâmında meblağ-ı mezbûr sekiz bin akçe zimmetimde lâzımü’l-edâ ve vâcibü’l-kazâ deynimdir dedikde, mukırr-ı merkūmun ikrâr-ı meşrûhunu el-mukarru lehü’l-mezbûr Mehmed Bey bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fi’l-yevmi’s-sâdis min Zilka‘deti’ş-şerîfe li sene semânin ve erba‘în ve elf.
Şuhûdü’l-hâl: Mahmud Çelebi b. Mehmed es-Serrâc, Mehmed Çelebi b. Mustafa el-İmâm, Mehmed Halîfe b. İbrahim el-Müezzin, Mehmed Beşe b. Hasan, Ahmed Çelebi b. Muslu, Osman Bey b. Mustafa es-Serrâc ve gayruhüm mine’l-hâzırîn
|