|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 218 Hüküm no: 268 Orijinal metin no: [147-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Fâtıma bt. Hasan’ın zevci Hasan b. Abdullah’tan muhâlaa ile boşandığı
Havâss-ı aliyye kazâsı muzâfâtından Hasköy mahallâtından Turşucu mahallesinde sâkine Fâtıma bt. Hasan nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâmil-i hâze’l-kitâb zevci Hasan b. Abdullah ile muhâla‘a oldukda ol dahi onunla nikâhlarında ma‘kūdun aleyh olan mikdârı ve nisâbı râyic fi’l-vakt bin beş yüz akçe fıddî-i Osmânî olan mehr-i müecceli ve aralarında ilm-i şer‘î ile mukaddere ve ma‘lûme olan nafaka-i iddeti mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak şekilde bâyin olmuş oldukdan sonra her biri âharın zimmetini de‘âvî ve husûmâtdan umûmen ve husûsan hukūk-ı zevciyyete müte‘allik de‘âvîden ibrâ-i âmm-ı kātı‘ü’n li’n-nizâ‘ ve râfi‘ün li’ş-şikāk ile ibrâ ettiler. Cerâ zâlike ve hurrire fi’l-yevmi’s-sâlis aşer min Zilka‘deti’ş-şerîfe li sene semânin ve erba‘în ve elf.
Şuhûdü’l-hâl: Süleyman Efendi b. Mirza el-İmâm, Muzaffer Çavuş b. Abdullah, Ali Beşe b. Mustafa, el-Hâc Ramazan b. Mahmud, Dilâver Bey b. Abdullah, Mehmed Beşe b. Abdullah, Şaban b. Abdullah, Ali Beşe b. Abdullah ve gayruhüm
|