.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 221
Hüküm no: 275
Orijinal metin no: [151-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Menahim v. Yahuda’nın kardeşi Mosi’yi darp ettiği

Mahmiye-i İstanbul sükkânından olup Edirne cemâ‘atinden Mosi v. Yahuda nâm Yahudi meclis-i şer‘-i hatîr-i lâzımü’t-tevkīrde karındaşı Menahim nâm Yahudi mahzarında üzerine takrîr-i da‘vâ edip mezbûr Menahim târih-i kitâb günü Havâss-ı aliyye kazâsına tâbi‘ Hasköy nâm karye[de] bi-gayr-ı vechin şer‘î tabanca ile beni darb eyledi suâl olunup takrîr[i] tahrîr olunmak matlûbumdur dedikde, gıbbe’s-suâl mezbûr Menahim cevâbında fi’l-vâki‘ mevzi‘-i merkūmda karındaşım mersûm Mosi’yi tabanca ile darb eyledim deyû bi’t-tav‘i’s-sâf ikrâr ve i‘tirâf edicek mâ hüve’l-vâki‘ bi’t-taleb ketb olundu. Tahrîren fi’l-yevmi’t-tâsi‘ ve’l-ışrîn min Zilka‘deti’ş-şerîfe li sene semânin ve erba‘în ve elf.


Şuhûdü’l-hâl: Mahmud Çelebi b. Mehmed es-Serrâc, Ali b. Abdullah, Halil b. Muslihiddin, İsak v. Salamon ve gayruhüm