.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 226
Hüküm no: 282
Orijinal metin no: [156-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Süleyman b. Halil’in Mustafa b. Abdullah’taki alacağını kefili olan Mustafa b. Abdullah’tan tahsil ettiği

Peremeci tâ’ifesinden Süleyman b. Halil nâm kimesne meclis-i şer‘-i hatîr-i lâzımü’t-tevkīrde Havâss-ı aliyye kazâsına tâbi‘ Hasköy mahallâtından Turşucu mahallesinde sâkin Mustafa b. Abdullah nâm kimesne mahzarında bi’t-tav‘i’s-sâf ikrâr ve takrîr-i kelâm edip bundan akdem yine tâ’ife-i mezbûr[e]den diğer Mustafa b. Abdullah nâm kimesne zimmetinde olan pereme bahâsından altı yüz akçe hakkım olup meblağ-ı mezbûr altı yüz akçeye merkūm Mustafa emr-i kabûlü hâviye kefâletle kefîl olmuşdu, el-hâletü hâzihî zikr olunan meblağ-ı mezbûr altı yüz akçeyi kefâleti hasebiyle merkūm Mustafa yedin[den] ahz u kabz eyledim dedikde mukırr-ı merkūmun ikrâr-ı meşrûhunu kefîl-i merkūm Mustafa bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren [157] fi’l-yevmi’s-sâbi‘ ve’l-ışrîn min Zilhicceti’ş-şerîfe li sene 1048.


Şuhûdü’l-hâl: Ali Bey b. Abdullah kethüdâ-yı peremeci, Hüseyin b. Bâli kethüdâ-yı peremeci, el-Hâc Ramazan b. Mahmud, Ali Beşe b. Abdullah, Mustafa Rûmiyye