|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 229 Hüküm no: 289 Orijinal metin no: [160-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Dimitri v. Rizo’nun kefilince ödenen borcu kapatması gerektiği
Havâss-ı aliyye kazâsına tâbi‘ Hasköy’de sâkin pazarcı tâ’ifesinden Esteradek v. Yorgi nâm zimmî meclis-i şer‘-i hatîr-i lâzımü’t-tevkīrde Dimitri v. Rizo nâm zimmî muvâcehesinde üzerine takrîr-i da‘vâ edip bundan akdem mezbûr Dimitri’nin Petro v. Nikola nâm zimmîye cihet-i karz-ı şer‘îden altı bin akçe deyni olup meblağ-ı mezbûr altı bin akçeye ben tarafeynden emr-i kabûlü hâviye kefâletle kefîl olmuşdum, el-hâletü hâzihî zikr olunan altı bin akçeyi kefâletim hasebiyle merkūm Petro’ya edâ ve teslîm eyledim, mersûm Dimitri meblağ-ı mezbûr altı bin akçeyi bana vermede te‘allül eder suâl olunup alıverilmesin taleb ederim dedikde, gıbbe’s-suâl merkūm Dimitri cevâbında fi’l-hakīka hâl minvâl-i muharrer üzredir deyû bi’t-tav‘i’s-sâf ikrâr ve i‘tirâf edicek meblağ-ı mezbûr altı bin akçeyi mezbûr Esteradek’e edâya tenbîh birle mâ hüve’l-vâki‘ bi’t-taleb ketb olundu. Tahrîren fî evâili Muharremi’l-harâm li sene tis‘în ve erba‘în ve elf.
Şuhûdü’l-hâl: Mehmed Efendi b. Abuzer, Ali Beşe b. Abdullah, Mihal v. Yani, Dibo meyhâneci ve gayruhüm
|