.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 230
Hüküm no: 290
Orijinal metin no: [160-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Fıtık hastası olan Yanaki v. Yorgi’nin cerrâh Meho v. Lazar ile yaptığı tedavi sözleşmesi

Havâss-ı aliyye kazâsına tâbi‘ Hasköy mahallâtından Ahmed Çelebi mahallesinde sâkin Yanaki v. Yorgi nâm zimmî meclis-i şer‘-i hatîr-i lâzımü’t-tevkīrde yine mahalle-i mezbûrede sâkin cerrâh tâ’ifesinden Meho v. Lazar nâm zimmî muvâcehesinde ikrâr ve takrîr-i kelâm edip hâlen ben fıtık marazına mübtelâ olduğum ecilden mezbûr Meho ile beş yüz akçe ücret [161] kavl edip maraz-ı mezbûra timâr edecek oldu, eğer bi-emrillâhi te‘âlâ vefât edersem dem [ü] diyetim mezbûr Meho’dan taleb olunmasın dedikde gıbbe’t-tasdîki’l-mu‘teber mâ vaka‘a bi’t-taleb ketb olundu. Tahrîren fî evâili Muharremi’l-harâm li sene tis‘în ve erba‘în ve elf.


Şuhûdü’l-hâl: Hasan Ağa b. Ali, Sinan Çelebi b. İbrahim, Ali b. Abdullah, Yahya v. ( ) ve gayruhüm