|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 230 Hüküm no: 291 Orijinal metin no: [161-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Âişe bt. Abdullah’ın kocası Seyyid Mahmud Çelebi’den muhâlaa ile boşandığı
Havâss-ı aliyye kazâsına tâbi‘ Hasköy mahallâtından Ahmed Çelebi mahallesinde sâkine Âişe bt. Abdullah nâm hâtun meclis-i şer‘-i şerîf-i hatîr-i lâzımü’t-tevkīrde işbu bâ‘isü’l-kitâb zevci olan es-Seyyid Mahmud Çelebi b. es-Seyyid Mehmed nâm kimesne mahzarında bi’t-tav‘i’s-sâf ikrâr ve takrîr-i kelâm edip zevcim mezbûr es-Seyyid Mahmud Çelebi zimmetinde olan dört bin akçe mehr-i müeccelimin ve nafaka-i iddetimin ve bin sekiz yüz akçe kıymetli bir köhne göçen postu kaplı ve zennâne ferâcemin üzerine muhâla‘a edip ve zevciyyete müte‘allik olan cemî‘ da‘vâ ve husûmâtdan biribirimizin zimmetini ibrâ eyledik dediğinde, mezbûr es-Seyyid Mahmud Çelebi zevcesi mezbûre Âişe ile vech-i muharrer üzerine hul‘ ve ibrâ eylediğini tasdîk ve tahkīk edicek mâ hüve’l-vâki‘ bi’t-taleb ketb olundu. Tahrîren fi’l-yevmi’l-hâmis aşer min Muharremi’l-harâm li sene tis‘în ve erba‘în ve elf.
Şuhûdü’l-hâl: Es-Seyyid Ahmed Efendi b. es-Seyyid Mehmed, Mahmud Çelebi b. Mehmed es-Serrâc, Mehmed Halîfe b. İbrahim el-Müezzin, Ali b. Abdullah
|