|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 234 Hüküm no: 298 Orijinal metin no: [165-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İsmihânî bt. Mehmed’in zevci Hüseyin Beşe b. Abdullah’tan muhâlaa ile boşandığı
Havâss-ı aliyye kazâsı muzâfâtından Hasköy mahallâtından Ahmed Çelebi mahallesinde sâkine İsmihânî bt. Mehmed nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâmil-i hâze’l-kitâb zevci Hüseyin Beşe b. Abdullah ile muhâla‘a oldukda ol dahi onunla nikâhlarında ma‘kūdun aleyh olan mikdârı ve nisâbı râyic fi’l-vakt bin sekiz yüz akçe fıddî-i Osmânî olan mehr-i müecceli ve aralarında ilm-i şer‘î ile mukaddere ve ma‘lûme olan nafaka-i iddeti mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak [166] şekilde bâyin olmuş oldukdan sonra her biri âharın zimmetini de‘âvî ve husûmâtdan umûmen ve husûsan hukūk-ı zevciyyete müte‘allik de‘âvîden ibrâ-i âmm-ı kātı‘ü’n-nizâ‘ ve râfi‘ün li’ş-şikāk ile ibrâ ettiler. Cerâ zâlike ve hurrire fi’l-yevmi’s-sâlis min Rebî‘ılâhir li sene tis‘în ve erba‘în ve elf.
Şuhûdü’l-hâl: Süleyman b. Hamza, Ali b. Mehmed, Ali b. Kenan, Ali Beşe [b.] Ahmed, Abdi b. Hasan, Mehmed b. Abdullah, Mehmed b. Kasım el-Müezzin, Ali b. Abdullah ve gayruhüm mine’l-hâzırîn
|