|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 237 Hüküm no: 302 Orijinal metin no: [168-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Âişe bt. Ömer’e babasından miras kalan evde annesinin hakkı olmadığını ikrârı
Havâss-ı aliyye kazâsına tâbi‘ Hasköy mahallâtından Keçeciler mahallesinde sâkine Hatice bt. Ali nâm hâtun meclis-i şer‘-i hatîr-i lâzımü’t-tevkīrde işbu bâ‘isetü’l-kitâb sadriye kızı Âişe bt. Ömer nâm hâtun mahzarında bi’t-tav‘i’s-sâf ikrâr ve takrîr-i kelâm edip mahalle-i mezbûrede vâki‘ bir tarafı ba‘zan Mustafa b. Yakub mülkü ve ba‘zan tarîk-i hâs ve bir tarafı Mustafa Bey b. Mirza mülkü ve bir tarafı Mehmed b. Abdullah mülkü ve bir tarafı Veli b. Abdullah mülkü ile mahdûd ve mümtâz olan iki bâb tahtânî beyti ve bir çardak ve bir kenîf ve bir sofayı ve bir bâb ahır ve hadîkayı müştemil olan menzil merkūme Âişe’nin babası merhûm mezbûr Ömer Bey’den irs-i şer‘î ile merkūme Âişe’ye intikāl eylemişdir, menzil-i mezbûr merkūme Âişe’nin mülk-i mevrûsudur, menzil-i mezbûrda benim aslâ alâka ve medhalim yokdur dedikde mukırra-i merkūmenin ikrâr-ı meşrûhasını el-mukarru leha’l-mezbûre Âişe bi’l-muvâcehe tasdîk edicek mâ hüve’l-vâki‘ bi’t-taleb ketb olundu. Tahrîren fî evâili Rebî‘ılâhir li sene tis‘în ve erba‘în ve elf.
Şuhûdü’l-hâl: ( )
|