.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 243
Hüküm no: 312
Orijinal metin no: [176-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Behzad v. Ferahzad’ın Eğin’deki evini Menkaser v. Gasbar’a sattığı

Vilâyet-i Anadolu’da vâki‘ Arapgir sancağına tâbi‘ Eğin nâm kasaba sükkânından Behzad v. Ferahzad nâm Ermeni meclis-i şer‘-i hatîr-i lâzımü’t-tevkīrde işbu bâ‘isü’l-kitâb Menkaser v. Gasbar nâm Ermeni mahzarında bi’t-tav‘i’s-sâf ikrâr ve takrîr-i kelâm edip silk-i mülkümde münselik olup kasaba-i mezbûrede vâki‘ bir tarafı Makdesi Agop v. Bekim mülkü ve bir tarafı Sehak v. Evrek mülkü ve bir tarafı Mercan v. Agop ve bir tarafı Bahdi v. Arakil mülkü ile mahdûd ve mümtâz olan bir bâb tahtânî beyti müştemil olan mülk menzilimi merkūm Menkaser’e nakd-i râyic fi’l-vakt yedi yüz akçe ve beş yüz akçe kıymetli bir peremeye bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve mebî‘-i mezbûru mahallinde kabza taslît eyledim, ol dahi vech-i mübeyyen üzre iştirâ ve tesellüm eyledi ba‘de’l-yevm zikr olunan menzil merkūm Menkaser’in mülk-i müşterâsıdır keyfemâ yeşâ ve yehtâr mutasarrıf olsun dedikde mukırr-ı merkūmun ikrâr-ı meşrûhunu el-mukarru lehü’l-mezbûr [177] Menkaser bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâili Cumâdelûlâ li sene tis‘în ve erba‘în ve elf.


Şuhûdü’l-hâl: Cuvan v. Emircan, Azad v. Polat, Depenoz v. Ferahzad, Toros v. Murad, Gazal v. Agop?, Tamur v. Celâd, Ferhad v. Şahbaz, Ciran v. Murad ve gayruhüm