.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 252
Hüküm no: 324
Orijinal metin no: [186-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Cayem v. Aznavur’un kiremitçi Budak v. Agop’da kalan ücretini talep ettiği

Havâss-ı aliyye kazâsına tâbi‘ Hasköy’de sâkin Hâim v. Aznavur nâm Ermeni mahfil-i kazâda kiremitçi tâ’ifesinden Budak v. Agop nâm Ermeni muvâcehesinde üzerine takrîr-i kelâm edip mezbûr Budak’ın kiremit fırınında bin dokuz yüz akçe ücret ile hizmetkâr olup hizmetim edâ ettikde meblağ-ı mezbûr bin dokuz yüz akçe mezbûr Budak’ın zimmetinde bâkī kalmışdır ve deyn-i şer‘îden altı yüz akçe cem‘an iki bin beş yüz akçe hakkım vardır, suâl olunup takrîri tahrîr olunmak matlûbumdur dedikde, gıbbe’s-suâl mezbûr Budak cevâbında hâl minvâl-i muharrer üzre olup meblağ-ı mezbûr iki [bin] beş yüz akçe zimmetimde lâzımü’l-edâ ve vâcibü’l-kazâ deynimdir dedikde bi’t-tav‘i’s-sâf ikrâr ve i‘tirâf etmeğin mâ hüve’l-vâki‘ bi’t-taleb ketb olundu. Tahrîren fî evâhiri Cumâdelâhire li sene tis‘în ve erba‘în ve elf.


Şuhûdü’l-hâl: Mustafa b. Abdullah, Ferhad v. Şahbaz, Bâli v. Emrik, Murad v. Horik, Ceyran v. Murad