|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 255 Hüküm no: 330 Orijinal metin no: [189-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Balkıza bt. Abdullah’ın zevci Mehmed b. Güvendik?’den muhâlaa ile boşandığı
Hazret-i Ebâ Eyyûb el-Ensârî -aleyhi rahmetü’l-Bârî- muzâfâtından Hasköy mahallâtından Keçeciler mahallesinde sâkine Balkıza bt. Abdullah nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâmil-i hâze’l-kitâb zevci Mehmed b. Güvendik ile muhâla‘a oldukda ol dahi onunla nikâhlarında ma‘kūdun aleyh olan mikdârı ve nisâbı râyic fi’l-vakt beş yüz akçe fıddî olan mehr-i müecceli ve aralarında ilm-i şer‘î ile mukaddere ve ma‘lûme olan nafaka-i iddeti ve Gevher nâm sadriye sagīrenin nafakası mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak şekilde bâyin olmuş oldukdan sonra her biri âharın zimmetini de‘âvî ve husûmâtdan umûmen ve husûsan hukūk-ı zevciyyete müte‘allik de‘âvîden ibrâ-i âmm-ı kātı‘ü’n-nizâ‘ ve râfi‘ün li’ş-şikāk ile ibrâ ettiler. Cerâ zâlike ve hurrire fi’l-yevmi’t-tâsi‘ ve’l-ışrîn min Recebi’l-ferd li sene tis‘în ve erba‘în ve elf.
Şuhûdü’l-hâl: Mehmed b. Veli, Ahmed b. Mustafa, Ali b. Satılmış, Mehmed b. Yusuf, Ali b. Abdullah, Mustafa Halîfe b. Surûrî el-İmâm, Mahmud b. Hasan kethüdâ-yı peremeci, Ali b. Yusuf, Veli b. Abdullah ve gayruhüm
|