.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 260
Hüküm no: 340
Orijinal metin no: [194-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Yani v. Yorgi’ye alacağının ödenmesi

Havâss-ı aliyye kazâsına tâbi‘ Hasköy’de sâkin meyhâneci tâ’ifesinden Yani v. Yorgi nâm zimmî meclis-i şer‘-i hatîr-i lâzımü’t-tevkīrde Vayih v. Bakom nâm zimmîyi ihzâr ve mahzarında üzerine takrîr-i da‘vâ edip mezbûr Vayih zimmetinde cihet-i karz-ı şer‘îden yedi bin yüz yetmiş altı akçe hakkım vardır, vermede te‘allül eder suâl olunup alıverilmesi matlûbumdur dedikde gıbbe’s-suâl merkūm Vayih cevâbında fi’l-hakīka mezbûr Yani’nin benim zimmetimde cihet-i karz-ı şer‘îden yedi bin yüz yetmiş altı akçe hakkı vardır deyû bi’t-tav‘i’s-sâf ikrâr ve i‘tirâf etmeğin meblağ-ı merkūmun edâsına tenbîh birle mâ hüve’l-vâki‘ bi’t-taleb ketb olundu. Tahrîren fî evâili Ramazâni’l-mübârek li sene tis‘în ve erba‘în ve elf.


Şuhûdü’l-hâl: Ali Bey b. Abdülmennân, Ömer Beşe b. Abdullah, Ali b. Abdullah, Halil b. Muslihiddin