.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 262
Hüküm no: 342
Orijinal metin no: [195-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Döne bt. Salamon’un yolda giderken eceliyle ölen câriyesinin cesedinin keşf edildiği

Havâss-ı aliyye kazâsına tâbi‘ Hasköy’de sâkine Döne bt. Salamon nâm Yahudiyye meclis-i şer‘-i hatîr-i lâzımü’t-tevkīre gelip takrîr-i kelâm edip târih-i kitâb günü karye-i mezbûrede vâki‘ hadîka-i sultânî kurbunda gelirken vâdi içinde ( ) nâm câriyem bi-emrillâhi te‘âlâ mürd olmuşdur, cânib-i şer‘den üzerine varılıp keşf ve tahrîr olunmak matlûbumdur dedikde, cânib-i şer‘den bizzat ve zeyl-i kitâbda mastûrü’l-esâmi olan müslimîn ile mahall-i mezbûra varılıp nazar olundukda câriye-i merkūmenin a‘zâsında aslâ eser-i cerh olmayıp bi-emrillâhi te‘âlâ mürd olduğu mukarrer olmağın vâki‘ hâl mahallinde keşf ve tahrîr olunup yed-i tâlibe [vaz‘ olundu]. [196] Tahrîren fi’l-yevmi’l-hâdî aşer min Ramazâni’l-mübârek sene tis‘în ve erba‘în ve elf.


Şuhûdü’l-hâl: Mustafa Halîfe b. Surûrî el-İmâm, Ramazan b. Mehmed el-Müezzin, Ömer Beşe b. Mustafa, Ali Beşe b. Ahmed er-Râcil, Mahmud b. Hasan, Mustafa b. Mirza, Mehmed Beşe [b.] Veli, Hüseyin b. Ahmed, Ali b. Kenan, Veli b. Abdullah ve gayruhüm