.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 266
Hüküm no: 351
Orijinal metin no: [200-1, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ahmed ve Âişe adlı yetimlerin vasîsi Mehmed Çelebi b. Mustafa görevini hakkıyla yapamadığından yerine Fâtıma bt. Mustafa’nın vasî tayin edildiği

Bundan akdem medîne-i Kostantıniyyetü’l-mahmiyye’de Sultan Bayezid-i Cedîd mahallesinde sâkin iken vefât eden Mahmud’un yetîmleri Ahmed ve Âişe nâm sagīreyn-i mezbûreynin tesviye-i umûru için kıbel-i şer‘-i şerîfden vasîyy-i mansûbları olan Mehmed Çelebi b. Mustafa’nın hizmet-i vesâyet-i mezbûreyi ikāme etmekden âciz olduğu ihbâr-ı sikāt ile hâkim-i muvakki‘-i a‘lâhu -dâme mecduhû ve alâhu- katında zâhir ve mütehakkik oldukda hâkim -el-müdebberu ileyh- râfi‘atü hâze’l-kitâb Fâtıma bt. Mustafa’yı ahvâllerini zabt etmek ve müteveffâ-yı mezbûr babalarından irs-i şer‘î ile kendilerine intikāl eden emvâllerini hıfz etmek üzre sagīreyn-i mezbûreyn üzerine vasî nasb ve ta‘yîn ettikde ol dahi vesâyet-i mezbûreyi kabûl ve gereğini yerine getirmeyi mültezim oldukda nasb ve kabûl-i sahîh-i şer‘î-i mer‘î [edip kayd olundu]. Cerâ zâlike ve hurrire fî evâili Zilka‘deti’ş-şerîfe li sene tis‘în ve erba‘în ve elf.


Şuhûdü’l-hâl: Ahmed Bey b. Şükrullah, Ahmed Çelebi b. Muslu, Mahmud Çelebi b. Mehmed, Ahmed Çelebi b. Mehmed, Mehmed Halîfe b. İbrahim el-Müezzin