|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 268 Hüküm no: 356 Orijinal metin no: [201-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hasköy’de meyhânecilik yapan ortakların ayrılıp birbirlerinin zimmetlerini ibrâ ettikleri
Havâss-ı aliyye kazâsına tâbi‘ Hasköy’de meyhâneciyân tâ’ifesinden Hristo v. Yani ve İstemad v. Mihal ve Kirkoy v. Dimitri ve Agop v. ( ) [ve] Vasil v. Yorgi nâm zimmîler mahfil-i kazâya gelip her biri bi’t-tav‘i’s-sâf ikrâr ve takrîr-i kelâm edip karye-i mezbûrede vâki‘ meyhânecilik san‘atında şerîk olup mufârakat ettiğimizde ba‘de küll-i hesâb biribirimizin zimmetinde bir akçe ve bir habbe hakkımız kalmadı, ba‘de’l-yevm husûs-ı mezbûre müte‘allik biribirimizin zimmetini ibrâ-i âm ile ibrâ [202] ve ıskāt-ı tâm ile ıskāt eyledik, ba‘de’l-yevm birbirimizden [da]‘vâ ve nizâ‘ sudûr ve zuhûr ederse lede’l-hükkâmi’l-kirâm mesmû‘a ve makbûle olmaya dediklerinde mâ hüve’l-vâki‘ bi’t-taleb ketb olundu. Tahrîren fi’l-yevmi’l-hâmis ve’l-ışrîn min Muharremi’l-harâm sene hamsîn ve elf.
Şuhûdü’l-hâl: Mihal v. Yani, Hristos v. Dimitri, Yani v. Korka, Yorgi v. İstemad
|