.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 269
Hüküm no: 357
Orijinal metin no: [202-1, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Râziye bt. Mehmed’in talebi ile oğluna nafaka tayin edildiği

Hâkim-i muvakki‘-i a‘lâhunun imzâ-yı şerîf-i müstetâbı ile imzâlı bu vesîka ile Havâss-ı aliyye kazâsı tevâbi‘inden Hasköy mahallâtından Sütlüce mahallesinde sâkin olan annesi hâmilet-i hâze’l-kitâb Râziye bt. Mehmed nâm hâtunun talebi ile hucr ve terbiyesindeki Mustafa b. Ebûbekir nâm sagīrin nafakası, kisvesi ve sâir havâyic-i zarûriyesi için mezbûr babasının mâlından târih-i kitâbdan her günde râyic fi’l-vakt dört akçe fıddî nafaka ta‘yîn ve takdîr edilip vakt-i zarûretde istidâneye ve inde’z-zafer rücû‘a izn-i sahîh-i şer‘î-i mer‘î ile izin verildi. Cerâ zâlike fî evâhiri Muharremi’l-harâm li sene hamsîn ve elf.


Şuhûdü’l-hâl: Ali b. Abdullah, Receb b. Zülfikar, Halil b. Mustafa, el-Hâc Ramazan b. Mehmed ve gayruhüm