|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 270 Hüküm no: 359 Orijinal metin no: [202-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Râziye bt. Mehmed’in boşandığı eşinden alacaklarını tahsil ettiği
Havâss-ı aliyye kazâsına tâbi‘ Hasköy [mahallâtından] Sütlüce mahallesinde sâkine Râziye bt. Mehmed nâm hâtun mahfil-i kazâda sâbıkan zevci olan Ebûbekir b. Mehmed mahzarında bi’t-tav‘i’s-sâf ikrâr ve takrîr-i kelâm ve i‘tirâf edip bundan akdem mezbûr Ebûbekir beni tatlîk [ve] zimmetinde beş yüz akçe mehr-i müeccelim ve nafaka-i iddet-i mu‘ayyenem bâkī kalmış idi, el-hâletü hâzihî mezbûr Ebûbekir yedinden beş yüz akçe mehr-i müeccelim ve nafaka-i iddet-i mu‘ayyenemi bi’t-tamâm ve’l-kemâl ahz ü kabz eyleyip ve zevciyyete müte‘allik olan cemî‘ de‘âvî ve mutâlebâtdan zimmetini ibrâ-i âm ile ibrâ ve ıskāt-ı tâm ile ıskāt eyledim dedikde mukırra-i merkūmenin ikrâr-ı meşrûhunu el-mukarru lehü’l-mezbûr Ebûbekir bi’l-muvâcehe tasdîk ve tahkīk edicek mâ hüve’l-vâki‘ bi’t-taleb [ketb olundu.] Fî evâ(…). [Şuhûdü’l-hâl: ( ) ]
|