|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 275 Hüküm no: 368 Orijinal metin no: [207-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mustafa b. Ahmed’in Mehmed’e üç bin akçe borcu olduğunu ikrâr ettiği
Havâss-ı aliyye muzâfâtından Hasköy mahallâtından Ahmed Çelebi mahallesinde sâkin olan Mustafa b. Ahmed nâm kimesne tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâmil-i hâze’l-kitâb Mehmed b. Bilal’e üzerinde ve zimmetinde karz-ı şer‘îden mikdârı ve nisâbı râyic fi’l-vakt üç bin akçe fıddî lâzımü’l-edâ deyni ve vâcibü’l-kazâ hakkı olduğunu ikrâr-ı sahîh-i şer‘î ve i‘tirâf-ı sarîh-i mer‘î ile ikrâr ve i‘tirâf ettikde dâyin-i mezbûr tarafından da vicâhen ve şifâhen tasdîk olundu. Cerâ zâlike ve hurrire fî evâili Saferi’l-hayr li sene hamsîn ve elf.
Şuhûdü’l-hâl: İbrahim Efendi el-İmâm, Mehmed Çelebi b. Mustafa el-İmâm, Mehmed Halîfe b. Haydar el-Müezzin, Mehmed b. Mehmed el-Müezzin, Mahmud Çelebi b. Mehmed es-Serrâc, Şahin b. Abdullah, Mehmed Bey Çalık, Ahmed Çelebi [b.] Muslu, Osman Bey [b.] Mustafa, İbrahim b. Ahmed, Pîrî b. Rıdvan, Hasan Çelebi [b.] Pîrî, Mahmud Bey b. Mirza el-Cündî, Ömer Halîfe b. Hüseyin, Ali b. Abdullah muhzır, Halil b. Muslihiddin, Hüseyin b. Abdullah
|