|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 277 Hüküm no: 371 Orijinal metin no: [208-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Terandifo v. Benapot’un meyhâneci Petro, Kiryaki ve Nikola’dan hizmet bedeli alacağını tahsil ettiği
Havâss-ı aliyye kazâsına tâbi‘ Hasköy’de vâki‘ meyhâneci tâ’ifesinden Terandifo v. Benapot nâm zimmî mahfil-i kazâda yine tâ’ife-i mezbûreden Petro v. Yorgi ve Kiryaki v. Yani ve Nikola v. Todori nâm zimmîler muvâcehesinde ikrâr ve takrîr-i kelâm edip bundan akdem mezbûr zimmîlere yirmi riyâlî guruşa hizmet[im] olup hizmetimi edâ eyledikden sonra meblağ-ı mezbûr yirmi riyâlî guruşu mezbûr meyhâneciler yedinden bi’t-tamâm ahz u kabz edip zimmetlerinde bir akçe ve bir habbe hakkım kalmadı dedikden sonra husûs-ı mezbûra müte‘allik birbirlerinin zimmetlerini ibrâ-i âm ile ibrâ ve ıskāt-ı tâm ile ıskāt eyledi dediklerinden sonra mâ hüve’l-vâki‘ bi’t-taleb ketb olundu. Tahrîren fî evâili Saferi’l-hayr sene hamsîn ve elf.
Şuhûdü’l-hâl: Ahmed Çelebi er-Râcil, Ali [b.] Abdullah, Aleksandre(?) v. Nikola, Yani v. Kosta, Kiryaki v. Yanko, Nikola v. Yorgi ve gayruhüm
|