.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 278
Hüküm no: 374
Orijinal metin no: [209-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mustafa’nın tasarrufunda olup oturulamaz durumda bulunan harâbe evin tasarruf hakkından vazgeçerek vakfa bıraktığı

Havâss-ı aliyye muzâfâtından kasaba-i Hasköy mahallâtından Ahmed Çelebi mahallesinde sâkine iken müteveffiye olan Fâtıma bt. Hüseyin nâm hâtun hâl-i sıhhatinde yine mahalle-i mezbûrede vâki‘ iki tarafdan Mehmed b. Bilal mülkü ve bir tarafdan Osman Bey mülkü ve bir tarafdan vâdi ile mahdûdu olup bir beyt-i süflî ve bir sofa [ve] bi’r-i mâ’ ve muhavvatayı müştemil menzilini vakfedip süknâsını evvelâ nefsine, ba‘dehâ Hayrünnisa nâm hâtuna ba‘dehâ evlâdına, ba‘dehüm Medîne-i Münevvere fukarâsına şart etmekle ber vech-i meşrûtiyyet mutasarrıf olan Mustafa b. ( ) nâm kimesne meclis-i şer‘de Haremeyn-i şerîfeyn vakfına bi’l-fi‘il mütevellî olan Mustafa Halîfe b. İbrahim nâm müteferrika tarafından tasdîk-i âti’l-beyâna vekîl olup bimâ hüve tarîkü’s-sübût şer‘an vekâleti sâbite olan Yusuf Beşe b. Abdullah mahzarında ikrâr-ı tâm ve takrîr-i kelâm edip menzil-i mezbûr mürûr-ı eyyâm ile harâba müşrif olup kābil-i süknâ olmayıp taraf-ı vakıfdan müsâ‘ade dahi olmayıp ve benim dahi meremmete kudretim olmadığı ecilden menzil-i mezbûrun hakk-ı tasarrufunu hüsn-i ihtiyârım ile vakfa fâriğ olup taraf-ı vakıfdan tâlib olana îcâr olunsun dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Hurrire ( )


Şuhûdü’l-hâl: ( )