.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 287
Hüküm no: 386
Orijinal metin no: [217-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Vefat eden Mümine bt. Ferhad’ın evinin miras yoluyla Saliha ve Fâtıma adlı kızlarına intikal ettiğinin şahitlerle tespiti

Havâss-ı aliyye kazâsı muzâfâtından Hasköy mahallâtından Turşucu mahallesinde sâkine Saliha bt. Hüseyin ve li ebeveyn kız karındaşı Fâtıma nâm hâtunlar meclis-i şer‘-i şerîf-i lâzımü’t-teşrîfe gelip takrîr-i kelâm edip mahalle-i mezbûrede vâki‘ bir tarafı Turşucu Vakfı ve bir tarafı Osman Reis mülkü ve bir tarafı ( ) Abdullah mülkü ve bir tarafı tarîk-i âm ile mahdûd ve mümtâz olup iki bâb tahtânî odayı ve bir kenîfi ve eşcâr-ı müsmire ve gayr-ı müsmireyi müştemil olan menzil bundan akdem vefât eden vâlidemiz Mü’mine bt. Ferhad nâm hâtundan ale’l-iştirâki’s-seviy irs-i şer‘î ile ikimize intikāl eylemişdir, hakīkat-i hâle vukūfu olan müslimînden istihbâr olunup takrîrleri tahrîr olunmak matlûbum[uz]dur dedikde, mahalle-i mezbûre sükkânından olup udûl-i müslimînden İbrahim Efendi b. Hüsrev el-İmâm ve Mehmed Halîfe b. Haydar el-Müe[zz]in ve Mehmed Beşe b. Bilal nâm kimesneler alâ tarîki’ş-şehâde meclis-i şer‘a hâzırûn olup gıbbe’l-istintâk mezbûrlar cevâblarında fi’l-hakīka mahalle-i mezbûrede vâki‘ olup hudûd-ı mezkûr ile mahdûd olan menzil bundan akdem vefât eden Mü’mine nâm hâtundan vâlideleri olmağla mezbûretân Saliha ve Fâtıma’ya irs-i şer‘î ile intikāl eylemişdir deyû ihbâr eylediklerinde mâ hüve’l-vâki‘ bi’t-taleb ketb olundu. Tahrîren fî evâili şehri Rebî‘ılâhir sene hamsîn ve elf.


Şuhûdü’l-hâl: ( )