.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 291
Hüküm no: 393
Orijinal metin no: [220-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Gülbeği’nin kazdığı lağımın Tersâne-i âmire su yollarına zararı olmadığı

Vech-i tahrîr-i hurûf budur ki Hasköy sâkinlerinden Ermeni tâ’ifesinden Gülbeği nâm zimmî kendi evinden kârîz kazıp Tersâne’de vâki‘ yerleri âmire suyollarına zarardır deyû i‘lâm olunmağla üzerine varılıp keşf ve suâl olundukda zarar olduğu vâki‘ ol[ma]mağın? nice kimesneler ihbâr eylediği ecilden zimmî-i mezbûru min ba‘d taraf-ı âhardan husûs-ı mezbûr için rencîde olunmamak bâbında tarafımızdan temessüke râğıb olmağla vech-i meşrûh üzre rencîde ve remîde olunmamak için bu hurûf temessüken ketb [ve] vaz‘ olundu vakt-i hâcetde ihticâc edine. Tahrîren fî şehri Ramazâni’l-mübârek sene tis‘în ve erba‘în ve elf. Ser bostancıyân Mehmed Ağa hâlen