|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 295 Hüküm no: 398 Orijinal metin no: [223-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Emine bt. Sefer’in zevci Seyyid Süleyman b. Seyyid Selim’den muhâlaa ile boşandığı
Havâss-ı aliyye kazâsı muzâfâtından Hasköy mahallâtından Ahmed Çelebi mahallesinde sâkine Emine bt. Sefer nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâmil-i hâze’l-kitâb zevci es-Seyyid Süleyman b. es-Seyyid Selim ile muhâla‘a oldukda ol dahi onunla nikâhlarında ma‘kūdun aleyh olan mikdârı ve nisâbı râyic fi’l-vakt iki bin akçe fıddî olan mehr-i müecceli ve aralarında ilm-i şer‘î ile mukaddere ve ma‘lûme olan nafaka-i iddeti mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak şekilde bâyin olmuş oldukdan sonra her biri âharın zimmetini de‘âvî ve husûmâtdan umûmen ve husûsan hukūk-ı zevciyyete müte‘allik de‘âvîden ibrâ-i âmm-ı kātı‘ü’n-nizâ‘ ve râfi‘ün li’ş-şikāk ile ibrâ ettiler. Cerâ zâlike ve hurrire fi’l-yevmi’s-sânî min şehri Cumâdelûlâ sene hamsîn ve elf.
Şuhûdü’l-hâl: Ahmed Çelebi b. Muslu, Mehmed Halîfe b. İbrahim el-Müezzin, Mustafa Bey b. Mehmed, Süleyman b. Abdullah, İbrahim b. Abdullah
|