.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 299
Hüküm no: 405
Orijinal metin no: [227-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Beytülmâl emîninin vefat eden Petro’nun terekesini ortağı Nikola’dan teslim aldığı ve başka malı bulunmadığına dâir yemin ettirdiği

Havâss-ı aliyye kazâsına tâbi‘ Hasköy’de bi’l-fi‘il subaşı ve emîn-i beytülmâl olan Mustafa Bey b. Nasuh nâm kimesne yine karye-i mezkûrede sâkin olup meyhâneci tâ’ifesinden Nikola v. Yorgi nâm zimmîyi mahfil-i kazâya ihzâr ve mahzarında üzerine takrîr-i da‘vâ edip mezbûr Nikola bundan akdem hâlik olan Petro v. Yorgi ile meyhânecilik san‘atında şerîk olup muhallefâtına vâzı‘u’l-yed idiği şer‘an sâbit ve müte‘ayyin olan mezbûr Nikola yedinde hâlik-i mezbûrun terekesinden iki aba ferâce ve bir aba çakşır ve bir tiftik kuşak ve beş münakkaş makrama ve bir köhne alaca sarık ve bir dokuma makrama ve bir aba çakşır-ı diz ve iki mes ve bir köhne kebe ve bir kalp guruş ahz u kabz eyledim, lâkin bu zikr olunan eşyâdan gayrı nakid akçeden ve sâlifü’z-zikr meyhânede olan eşyâdan mürd-i mezbûr terekesinden bir şeyi olmadığına yemîn etmesi matlûbumdur dedikde, gıbbe’l-istihlâf mezbûr Nikola mürd-i merkūm Pet[ro’nun] [228] eşyâ-i mezbûreden gayrı mâl ıtlâk olunur bir şeyi ol[ma]dığına yemîn billâhillezî enzele’l-İncîle alâ İsa -aleyhi’s-selâm- etmeğin mâ hüve’l-vâki‘ bi’t-taleb ketb olundu. Tahrîren fî evâhiri Cumâdelûlâ sene hamsîn ve elf.


Şuhûdü’l-hâl: ( )