|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 302 Hüküm no: 409 Orijinal metin no: [230-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Gazal v. Sefer’in Mustafa Çelebi’ye borcu olduğu ve evini borcuna karşılık rehin olarak verdiği
Vilâyet-i Anadolu’da vâki‘ Eğin nâm kasaba sükkânından Gazal v. Sefer nâm Ermeni mahfil-i kazâda işbu râfi‘ü’l-kitâb Mustafa Çelebi b. Abdullah nâm râcil muvâcehesinde ikrâr ve takrîr-i kelâm edip cihet-i karz-ı şer‘îden yüz otuz bir [ri]yâlî guruş deynim olup meblağ-ı mezbûr mukābelesinde kasaba-i mezbûrede vâki‘ lede’l-cîrân ma‘lûmü’l-hudûd olup silk-i mülkümde olan menzilimi rehin vaz‘ eyleyip ol dahi irtihân ve kabûl eyledikden sonra rehn-i mezkûru mahallinde kabza mezbûr Mustafa Çelebi’yi taslît eyledim dedikde mukırr-ı mezbûru vech-i muharrer üzre cârî olan ikrârında mezbûr Mustafa Çelebi vicâhen tasdîk ve şifâhen tahkīk etmeğin [mâ hüve’l-vâki‘ bi’t-taleb ketb olundu.] Tahrîren fi’l-yevmi’s-sânî ve’l-ışrîn min Cumâdelâhire sene hamsîn ve elf.
Şuhûdü’l-hâl: Mustafa Çelebi b. Abdullah er-Râcil, Ali Beşe b. Abdullah, Bayik? v. Serkis, Azad v. Polat, Agamez v. Evedik, Ferhad v. Şahbaz, Kirakor v. O, Ferefzad v. O ve gayruhüm mine’l-hâzırîn
|