.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 303
Hüküm no: 410
Orijinal metin no: [230-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Emirhan v. Sefer’in evini kardeşi Gazal’a sattığı ve bedelini teslim aldığı

Vilâyet-i Anadolu’da vâki‘ Eğin nâm kasaba sükkânından Emirhan v. Sefer nâm Ermeni meclis-i şer‘-i hatîr-i lâzımü’t-tevkīrde li ebeveyn karındaşı Gazal nâm Ermeni muvâcehesinde bi’t-tav‘i’s-sâf ikrâr ve i‘tirâf edip silk-i mülkümde münselik olup kasaba-i mezbûrda vâki‘ bir tarafı bâyi‘-i mezbûr mülkü ve bir tarafı Yakob v. Agop mülkü ve bir tarafı Emircan? v. ( ) mülkü ve bir tarafı tarîk-i âm ile mahdûd ve mümtâz olan bir bâb tahtânî ve bir bâb fevkānî odayı mezbûr Gazal’a yirmi sekiz riyâlî guruşa bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve mebî‘-i mezbûru mahallinde kabza taslît eyledim, ba‘de’l-yevm zikr olunan menzil mezbûr Gazal’ın mülk-i müşterâsıdır, keyfemâ yeşâ ve yehtâr mutasarrıf olsun dedikde mukırr-ı merkūmun ikrâr-ı meşrûhunu el-mukarru lehü’l-mezbûr bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb kayd şüd. Hurrire fî evâhiri Cumâdelâhire li sene hamsîn ve elf.


Şuhûdü’l-hâl: es-Sâbıkūn, Mustafa Çelebi b. Abdullah er-Râcil, Ali Beşe b. Abdullah, Bayik v. Serkis, Azad v. Polat, Agaz v. Evedik, Ferhad v. Şahbaz, Kirakor v. ( ), Ferefzad v. ( )