|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 305 Hüküm no: 413 Orijinal metin no: [231-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Denizde boğularak ölen Avraham v. Yasef’in cesedinin keşfi
Oldur ki Mahmiye-i Kostantıniyye’de Tekfur Sarayı’nda sâkin olup garîkan mürd olan Avraham v. Yasef nâm Yahudinin li ebeveyn karındaşı Yasef ve vâlidesi Rayne ve zevcesi Malko nâm Yahudiler meclis-i şer‘a hâzırûn olup mezbûr Avraham Kağıthâne nâm mesîreden pereme ile gelirken Havâss-ı aliyye kazâsına tâbi‘ Hasköy kazâsından Sazlıdere nâm mevzi‘e geldikde peremesi bir saza ilişip devrilip bi-emrillâhi te‘âlâ deryâya düşüp mürd olmuşdur, taraf-ı şer‘den üzerine varılıp keşf ve tahrîr olunmasın taleb ederiz dediklerinde zeyl-i kitâbda isimleri mastûr olan müslimîn ile üzerine varılıp keşf olundukda fi’l-hakīka mezkûr Avraham minvâl-i muharrer üzre mürd olup kat‘â eser-i cerâhati olmadığı mukarrer olmağla mâ hüve’l-vâki‘ alâ vukū‘ihî ketb ü tahrîr olunup yed-i tâlibe vaz‘ ve def‘ olundu ki ( ). Cerâ zâlike ve hurrire fi’l-yevmi’l-ışrîn min Muharremi’l-harâm li sene selâsin ve hamsîn ve elf min hicret-i men lehü’l-izzu ve’ş-şeref.
Şuhûdü’l-hâl: Mustafa Bey b. Mehmed, İbrahim Bey b. Yusuf, Ahmed Beşe b. Mustafa, Ömer Beşe b. Mustafa, Hüseyin b. Gazanfer, Ali el-muhzır
|