.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 305
Hüküm no: 414
Orijinal metin no: [231-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ramazan’ın vefat eden kardeşi Ali’den intikal eden terekesinden İsa’nın elinde olan eşyalarının talep ve tespit edildiği

Budur ki vilâyet-i Anadolu’da vâki‘ Divriği nâm kasabada sâkin iken bundan akdem fevt olan [Ali] b. Nevrûz? nâm kimesnenin verâseti li eb ve üm karındaşı Ramazan nâm kimesneye münhasıra olduğu [şe]r‘an mütehakkik oldukda mezbûr Ramazan meclis-i şer‘de İsa b. Yusuf mahzarında da‘vâ ve takrîr-i kelâm edip mezbûr İsa müteveffâ-yı mezkûr mûrisim Ali’nin muhallefâtından bana âid eşyâdan [bir] sarık ve bir köhne dârâyî kaftan ve iki köhne kilim ve üç yorgan ve bir beylik çuka kaplı (…) kürkü ve bir aba çakşır ve bir beyaz Bogasi sâde ve bir kuşak ve on üç riyâlî guruş kabz etmişdir, suâl olunup alıverilmesi matlûbumdur dedikde gıbbe’s-suâl mezbûr İsa cevâbında fi’l-hakīka zikr olunan eşyâyı ahz u kabz eyledim deyû ikrâr ve i‘tirâf edicek mâ hüve’l-vâki‘ gıbbe’t-taleb ketb ü terkīm olundu. Hurrire fî evâhiri Muharremi’l-harâm li sene selâsin ve hamsîn ve elf.


Şuhûdü’l-hâl: Ahmed Çelebi b. Mustafa, Mehmed b. Nasuh, Veli b. Mustafa, Ali b. Abdullah, Nasuh b. Mustafa, Ali el-muhzır ve gayruhüm