|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 306 Hüküm no: 417 Orijinal metin no: [232-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yani v. Drago’nun koyun satışından kalan alacağını ödemesi için Kaplan v. Yorgi’ye tenbih olunması
Budur ki Rum tâ’ifesinden râfi‘ü’l-kitâb Yani v. Drago nâm zimmî meclis-i şer‘de yine tâ’ife-i mezbûreden Kaplan v. Yorgi nâm zimmî muvâcehesinde üzerine da‘vâ ve takrîr-i kelâm edip mezbûr Kaplan’a târih-i kitâbdan kırk sekiz gün mukaddem on altı re’s koyun bey‘ edip ba‘de küll-i hesâb bin iki yüz elli sekiz akçe hakkım dahi zimmetinde bâkī kalmışdır, suâl olunup alıverilmesin taleb ederim dedikde gıbbe’s-suâl mezbûr Kaplan cevâbında fi’l-vâki‘ vech-i muharrer üzre mezbûr Yani’ye koyun bahâsından bin iki yüz elli sekiz akçe deynim vardır deyû bi-tav‘ihî ikrâr ve i‘tirâf eylemeğin meblağ-ı mezkûru edâsıyla tenbîh olunup mâ vaka‘a kayd olundu. Tahrîren fî evâhiri şehri Safer li sene selâsin ve hamsîn ve elf.
Şuhûdü’l-hâl: Hüseyin b. Mustafa, Mahmud b. Mehmed, Ali b. Abdullah, Ali el-muhzır, Yorgi v. Köni?, Yorgi v. Alasor? [233]
|