.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 307
Hüküm no: 419
Orijinal metin no: [233-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Hanka v. Yasef’in satın aldığı evin hüccetini kaybettiği, evin mülkü olduğunun şahitlerle tespit edildiği

Havâss-ı aliyye kazâsı muzâfâtından Hasköy mahallâtından el-Hâc Şaban mahallesinde sâkin Yahudi tâ’ifesinden Hanka v. Yasef nâm Yahudi mahfil-i kazâya gelip takrîr-i kelâm edip mahalle-i mezbûrede vâki‘ bir tarafı Nefes Dede b. Hasan mülkü ve bir tarafı Aslan v. ( ) mülkü ve iki tarafdan tarîk-i âm ile mahdûd ve mümtâz olan üç bâb fevkānî ve üç bâb tahtânî menzili ve bi’r-i mâ’ı ve muhavvatayı müştemil olan menzilini İlyaho? v. Yahuda nâm Yahudiden hâlik olmazdan evvel yedi bin beş yüz akçeye iştirâ [234] eylemişdim, lâkin yedimde olan hüccet-i şer‘iyyemi zâyi‘ eyledim, hakīkat-i hâle vukūfu olan Yahudilerden ve hâlik-i mezbûr İlyaho’nun sulbî oğlu Murdehay Bahâdır…? nâm Yahudiden istihbâr olunmak matlûbumdur dedikde, gıbbe’s-suâl karye-i mezkûre sükkânından Yahuda..? v. Menahim ve diğer Menahim v. Suka ve Salamon v. Menahim ve Murdehay v. İlyaho nâm Yahudiler meclis-i şer‘a alâ tarîki’ş-şehâde hâzırûn olup fi’l-hakīka hâlik-i merkūm İlyaho tâ hâlik olmazdan evvel târih-i kitâbdan dokuz sene mukaddem mezbûr Hanka’ya hudûd-ı mezkûr ile mahdûd olan menzili yedi bin beş yüz akçeye bey‘-i bâtt-ı sahîh-i şer‘î ile bey‘ eyledi menzil-i? mezbûr? merkūm? Hanka’nın? mülk-i? müşterâsıdır? deyû ihbâr eylediklerinde mâ hüve’l-vâki‘ bi’t-taleb ketb olunup yed-i tâlibe vaz‘ olundu. Tahrîren fî evâsıtı Cumâdelâhire li sene sittin ve elf.


Şuhûdü’l-hâl: Pîr İbrahim b. Mustafa Debbağzâde, Mehmed Beşe b. Bilal, Hasan Çelebi? b. Mustafa, Yasef v. Mosi Marol?, Kalef v. Baroh, Sinan v. Salamon