|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 320 Hüküm no: 434 Orijinal metin no: [243-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Fâtıma bt. Mehmed’in zevci Receb Bey b. Ali’den muhâlaa ile boşandığı
Havâss-ı aliyye muzâfâtı tevâbi‘inden Kağıthâne karyesinde sâkine Fâtıma bt. Mehmed nâm hâtun tağyîr ve tahrîfden korunmuş olan meclis-i şerî‘atü’ş-şerîfetü’l-garrâ ve mahfili’t- tarîkatü’r-refî‘atü’z-zehrâda hâmil-i hâze’l-kitâb zevci Receb Bey b. Ali’ye mikdârı ve nisâbı bin akçe olan bedel-i hul‘u teslîm ederek verdikden sonra muhâla‘a oldukda ol dahi onunla ma‘kūdun aleyh olan mikdârı ve nisâbı vakt-i akidde râyic fi’l-vakt beş bin akçe fıddî olan mehr-i müecceli ve nafaka-i iddeti ile meskeninin ücreti mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak şekilde bâyin olmuş oldukdan sonra her biri âharın zimmetini hukūk-ı zevciyyete ve bunun dışındakilere müte‘allik az ve[ya] çok de‘âvî ve husûmât ve eymândan ibrâ-i âmm-ı kātı‘ü’n-nizâ‘ ile ibrâ ettiler. Cerâ zâlike ve hurrire fî evâhiri şehri Şevvâli’l-mükerrem sene 1050.
Şuhûdü’l-hâl: Mefharü’l-müderrisîn ve umdetü’l-muhakkıkīn Ramazan Efendi b. Süleyman, Fahrü’l-e’immeti’l-kirâm Yusuf b. Behram, Mustafa b. Davud, Mehmed Çelebi b. Ömer, Selman b. Ali el-Müezzin, Hasan b. Mahmud el-Müezzin, Ali Çelebi [b.] Süleyman ve gayruhüm
|