.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 325
Hüküm no: 443
Orijinal metin no: [246-3, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Emine bt. Ahmed’in zevci Ebûbekir b. Mehmed’den muhâlaa ile boşandığı

Havâss-ı aliyye muzâfâtından Hasköy mahallâtından Sütlüce mahallesinde sâkine Emine bt. Ahmed nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâmil-i hâze’l-kitâb zevci Ebûbekir b. Mehmed ile muhâla‘a oldukda ol dahi onunla nikâhlarında ma‘kūdun aleyh olan mikdârı ve nisâbı râyic fi’l-vakt beş yüz akçe fıddî olan mehr-i müecceli ve nafaka-i iddeti mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak şekilde bâyin olmuş oldukdan sonra her biri âharın zimmetini hukūk-ı zevciyyete ve başka konulara müte‘allik de‘âvî ve husûmâtdan ibrâ-i âmm-ı kātı‘ü’n-nizâ‘ ve râfi‘ün li’ş-şikāk ile ibrâ ettiler. Cerâ zâlike ve hurrire fi’l-yevmi’s-sâlis min Zilhicceti’l-harâm sene 1050.


Şuhûdü’l-hâl: El-Hâc Mehmed b. Abdullah, Mehmed b. Veli, Mehmed b. Ahmed, Mehmed Çelebi b. ...?, Piyâle ( ), Ali b. Abdullah el-...? ve gayruhüm