.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 331
Hüküm no: 453
Orijinal metin no: [251-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Yorgi v. Gika’nın şarap bedelinden olan alacağını tahsil ettiği

Mahmiye-i Galata kazâsına tâbi‘ Kapıdağı nâhiyesinde Erdekli nâm karye sükkânından Yorgi v. Gika nâm zimmî meclis-i şer‘-i hatîr-i lâzımü’t-tevkīrde işbu bâ‘is-i hâze’s-sifr Tahya v. Nikola nâm zimmî mahzarında bi’t-tav‘i’s-sâf ikrâr ve takrîr-i kelâm edip mezbûr Tahya zimmetinde hamr bahâsından ba‘de küllî hesâb elli riyâlî guruş hakkım var idi, el-hâletü hâzihî zikr olunan meblağ-ı mezbûr elli riyâlî guruşu mezbûr Tahya yedinden bi’t-tamâm ve’l-kemâl ahz u kabz eyledim, min ba‘d meblağ-ı mezbûrdan mezbûrun zimmetinde bir akçe ve bir habbe hakkım kalmadı dedikde, mukırr-ı mezbûru ikrâr-ı meşrûhunda el-mukarru lehü’l-mezbûr Tahya bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâsıtı Saferi’l-hayr li sene ihdâ ve hamsîn ve elf.


Şuhûdü’l-hâl: Mehmed Ağa çorbacı, Mehmed Çelebi odabaşı?, Ali b. Abdullah, Mihal v. Yani, Lebro? v. Manol