|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 334 Hüküm no: 458 Orijinal metin no: [253-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
1051 yılı için Hasköy subaşılığının Mustafa Bey’e verildiği ve ödemelerini aylık olarak yapacağı
Vech-i tahrîr-i hurûf budur ki taht-ı iltizâmımızda olan Hasköy subaşılığı bin elli bir senesi mâh-ı Rebî‘ilevvel gurresinden bir sene tamâmına değin işbu hâmil-i varaka Mustafa Bey’e kırk sekiz bin akçeye der-uhde olunup şol şart ile ki yevmü’l-kıst mûcebince her ayda dört bin akçeyi gönderip mezbûr ki kavl-i karâr eylemeğin üslûb-ı sâbık üzre zabt için yedine işbu temessük verildi. Ali Ağa emîn-i gümrük Sene 1051
|