|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 335 Hüküm no: 462 Orijinal metin no: [255-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Kamer bt. Abdullah’ın eşyalarını evlatlığı Ali’ye bıraktığı
Havâss-ı aliyye kazâsına tâbi‘ Hasköy mahallâtından Turşucu mahallesinde sâkine Kamer bt. Abdullah nâm hâtun meclis-i şer‘-i hatîr-i lâzımü’t-tevkīrde işbu bâ‘isü’l-kitâb rebîb oğlu Ali b. Mehmed nâm kimesne mahzarında bi’t-tav‘i’s-sâf ikrâr ve takrîr-i kelâm edip silk-i mülkümde münselik olan dört beledî yorgan ve iki beyaz velençe ve iki beledî döşek ve iki minder ve altı beledî yastık ve iki börek tepsisi ve dört sagīr tencere ve iki kilim ve bir kaliçe ve bir atlas kaftanımı ve sâir evân[î-i] beytden her nem var ise mâdem ki hayâtda oldukça kendim mutasarrıfa olup ba‘de vefâtihâ rebîb oğlum mezbûr Ali mutasarrıf olsun dedikde, mukırra-i merkūmeden sâdır olan kelâmını el-mukarru lehü’l-mezbûr Ali bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâhiri Rebî‘ilevvel li sene ihdâ [ve hamsîn] ve elf.
Şuhûdü’l-hâl: Şaban Beşe b. Mehmed, Ömer b. Ramazan, Mahmud b. Halil, Mahmud b. Abdullah, Arzhan? b. Ali, Hüseyin b. Bâli
|