|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 336 Hüküm no: 464 Orijinal metin no: [256-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Rahime bt. Şem‘î’nin zevci Fazlı b. Rahmetullah’dan muhâlaa ile boşandığı
Galata el-mahmiye tevâbi‘inden Kasımpaşa kasabası mahallâtından el-Hâc Hasan mahallesinde sâkine Rahime bt. Şem‘î nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâmil-i hâze’l-kitâb zevci Fazlı b. Rahmetullah ile muhâla‘a oldukda ol dahi mikdârı ve nisâbı râyic fi’l-vakt beş yüz akçe fıddî olan mehr-i müecceli ve iddet hâli üzre olduğu süre için olan nafaka-i iddeti ve me’ûnet-i süknâsı mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak şekilde bâyin olmuş oldukdan sonra her biri âharın zimmetini hukūk-ı zevciyyete müte‘allik de‘âvîden ibrâ-i âmm-ı kātı‘ü’n-nizâ‘ ve râfi‘ün li’ş-şikāk ile ibrâ ettiler. Cerâ zâlike ve hurrire fi’l-yevmi’s-sâmin ve’l-ışrîn min Rebî‘ilevvel sene ihdâ hamsîn ve elf.
Şuhûdü’l-hâl: Mehmed Çelebi b. Abdullah, Abdünnebi b. Veli, Ali Beşe b. Mustafa, Ali b. Abdullah el-muhzır ve gayruhüm
|