Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 581 Hüküm no: 1139 Orijinal metin no: [110b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi b. el-Hâc Hızır’ın, Sivas’daki mermer bahâsını mukâtaaya aldığı Amasya sancağı tevâbi‘inden Havza kazâsına tâbi‘ Halyar nâm karye sâkinlerinden Mehmed Çelebi b. el-Hâc Hızır nâm kimesne mahfil-i kazâda işbu sâhibü’l-kitâb kıdvetü’l-havâs ve’l-mukarrebîn umdet-i ashâbü’l-iz ve’t-temkīn bi’l-fi‘l çakırcılarbaşı olan İbrahim Ağa hazretleri tarafından ikrâr-ı âti’z-zikri tasdîka nehc-i şer‘î üzre vekâleti sâbite olan Ali Ağa b. Abdullah mahzarında takrîr-i kelâm edip Sivas Beylerbeyiliği’nde vâki‘ olan müjde bahâsını târih-i kitâb Muharremü’l-harâmı’nın gurresinden üç yıl tamâmına değin doksan üç bin akçeye iltizâm ve kabûl eyledim her sene başında kıstü’l-yevm ki otuz bir bin akçe olur zikr olunan otuz bir bin akçeyi mûmâileyh ağa hazretlerine edâ etmeden âhar senenin mahsûlüne dahl etmem dedikden sonra mahrûse-i İstanbul’da vâki‘ Gedik Paşa mahallesi sükkânından hallâc Üstâd Mustafa b. Ali ve Nişâncı Mehmed Paşa’nın yedinci yayabaşısı olan Yusuf Bey b. Abdullah ve mahrûse-i Üsküdar’da vâki‘ Sultan mahallesi sâkinlerinden Muytâb Üstâd Mehmed b. Bâli nâm kimesneler dahi zarar-ı mâla biz dahi kefîl olduk deyu tâyi‘an mukır ve mu‘terif oldukdan sonra mukırrân-ı merkūmûnu ikrâr-ı meşrûhlarında mezbûr Ali vekâleti hasebiyle vicâhen ve şifâhen tasdîk edicek kayd-ı sicil olundu. Fî evâsıtı Safer sene elf. Şuhûdü’l-hâl: Ömer Bey b. Abdullah, el-Hâc Mehmed b. Sinan, Sipâhi Ahmed Bey b. Abdullah, Mehmed b. Habîb, Mehmed b. Behrâm, Sefer b. Abdullah