Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 586 Hüküm no: 1148 Orijinal metin no: [111b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sahipsiz katırın satılması Mahrûse-i Üsküdar’da hâssa ve âmme beytülmâle ve sâir umûra emr-i şerîf ile mutasarrıf ve mübâşir olan ebnâ-i sipâhiden fahrü’l-â‘yân Müstedâm Subaşı mahfil-i kazâda Yani nâm habbâz ve zimmî mahzarında tav‘an ikrâr ve i‘tirâf edip mahmiye-i mezbûrede Hasan Ağa mahallesi sâkinlerinden Mustafa b. Yusuf nâm kimesne sâhibi nâ-ma‘lûmdur deyu bana teslîm eylediği doru erkek katırı üç aydan ziyâde durup sâhibi zuhûr eylememeğin bey‘-i men yezîd edip sûk-ı sultânîde mezbûr katır mezbûr zimmînin üzerine yedi yüz akçe karâr eylemeğin meblağ-ı mezbûra bey‘ edip teslîm-i mebî‘ ve kabz-ı semen eyledim deyip mezbûr dahi mukırr-ı merkūmu cemî‘ kelimâtında vicâhen tasdîk ettikde kayd-ı sicil olundu. Şuhûdü’l-hâl: Kurd Çelebi, Musli Çelebi, Mehmed b. Behrâm, Hüseyin b. Behrâm, Sefer b. Abdullah