Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 586 Hüküm no: 1149 Orijinal metin no: [111b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Safiye’nin, Sitti Hâtun bt. Hasan’ın cariyesini kandırıp Attâr Hüsrev b. Abdullah’a satmak istediği İşbu bâ‘isetü’s-sicil Sitti Hâtun bt. Hasan mahfil-i kazâya mahrûse-i Üsküdar sükkânından Attâr Hüsrev b. Abdullah nâm kimesneyi ihzâr ve bi’l-muvâcehe takrîr-i merâm edip bundan akdem işbu mahzarda olup tahmînen on üç, on dört yaşında, kara kaşlı, eğri gözlü, yüzünü çiçek bozmuş Ruhsânî nâm Çerkes câriyemi Safiye nâm avret ayartıp mezbûr Hüsrev’e bey‘ etmek istemiş mezbûrdan suâl olunup vukû‘ı üzre takrîr-i tahrîr olunmasın taleb ederim deyicek husûs-ı kazıyye merkūmdan istintâk olundukda fi’l-vâki‘ dört ay mikdârı vardır mezkûru kasaba-i merkūmdan istintâk olundukda fi’l-vâki‘ dört ay mikdârı vardır mezkûre Safiye işbu mahzarda olan merkūme Ruhsâni’yi ve Hümâyûn nâm câriyeyi dahi Saime nâm bir âhar avret ile bile gelip mezbûre Ruhsânî benim mülk-i câriyemdir ya sen al veyâhud bir âhar kimesneye bey‘ ediver deyu bir kimesne benim evimde koyup gitti ben dahi ol gece mezbûreye suâl ettiğimde benim sâhibim Bursalı Sitti Hâtun’dur ben bunun câriyesi değilim demeğin ertesin haber gönderip ben evde değilken gelip mezbûreyi alıgitmiş dediği kelimâtı mezkûre Sitti Hâtun talebiyle kayd-ı sicil olundu ba‘dehû mezbûre Sitti Hâtun mezbûre Hüsrev’den da‘vâm yokdur dediği kayd olundu. Şuhûdü’l-hâl: Mürüvvet b. Ali, Mehmed b. el-Hâc Sinan, Sefer b. Abdullah, Şemseddin b. Sâdık, Mehmed b. Behrâm