Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 589 Hüküm no: 1155 Orijinal metin no: [112b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Manol’un, Ezam’ın terekesini zabt ettiğine (…) bast-ı kelâm (…) Pireşkova v. Todori nâm zımmî (…) eylemiş usûbet-i nesebiye ile vâris-i mukırra olup ve verâseti (…) nakl-i şer‘î îrâd edip mazmûnunu huzûr-ı şer‘-i mahzarında isbât edip merkūmun muhallefâtını taleb ederim deyicek vâki‘ hâl mezbûr Manol’dan bi’l-muvâcehe suâl olundukda mersûme Ezam’ın cemî‘ kelâmını ve zimmetini ikrâr edip mürd-i mezbûrun cem‘an dokuz bin akçe muhallefâtını kabz u zabt ettim deyu i‘tirâf eylediği merkūme talebiyle ketb olundu. Hurrire fî evâili Rebî‘ilevvel sene elf. Şuhûdü’l-hâl: Sefer b. Abdullah el-muhzır, Hasan b. Sâdık el-muhzır, Mehmed b. Ahmed, Ahmed Bey b. Hüseyin