Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 591 Hüküm no: 1162 Orijinal metin no: [113a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Firuz b. Abdullah’ın, Hasan b. Abdullahtaki alacağının tahsilini istemesi Mahmiye-i Kostantıniyye’de Kadı Çeşmesi kurbunda sâkin olan Fîruz b. Abdullah mahfil-i şer‘-i şerîfde Ağras nâm kasabadan Hasan b. Abdullah mahzarında edâ-yı kelâm edip mezbûr Hasan, Ağraslı bâzirgânlardan bogasi alıp bir mikdâr akçesin verip bâkī küsûruna benden bin iki yüz akçeye bir yeşil ipekli lâciverd dolama ve dört yüz akçeye bir gümüşlü bıçak ve iki sikke filori alıp mezbûr bâzirgânlara verip deynin edâ eyledi hâlâ mezbûr Hasan’dan bin sekiz yüz kırk akçeyi taleb ederim deyip mezbûr Hasan inkâr edip beyyineden mezbûr Fîruz âciz olmağın mezbûr Hasan’a yemîn verilip iki filori ve dolama ve bıçak almadım deyu yemîn billâh eyledikde mâ vaka‘a bi’t-taleb sicil olundu. Fî evâili Rebî‘ilevvel sene elf mine’l-hicreti. Şuhûdü’l-hâl: Şemseddin b. Sâdık, Sefer b. Abdullah, Hasan b. Ferhad, Musli Çelebi el-kâtib, Kurd Çelebi, Mustafa b. Mehmed