Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 596 Hüküm no: 1174 Orijinal metin no: [114a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman Bey b. Abdullah’ın, Mehmed b. Mahmud’a sattığı katırın ücretini kefili Cafer b. Abdullah’tan istediği Süleyman Bey b. Abdullah nâm sipâhi oğlanı mahfil-i kazâya vilâyet-i Anadolu’da vâki‘ Ankara sancağı tevâbi‘inden Kuriş nâm kazâdan olup Akdoğan nâm karyeden Cafer b. Abdullah nâm şahıs ki Ermenidir Müslüman olmadır mezbûrun mahzarında takrîr-i da‘vâ edip bundan akdem Turgut kazâsına tâbi‘ Kavak nâm karyeden Mehmed b. Mahmud nâm kimesneye dört bin akçeye bir kara yağız at bey‘ edip mezbûr Cafer kefîl bi’l-mâl olmuş idi kefâleti hasebiyle taleb ederim dedikde gıbbe’s-suâl merkūm Cafer kefâlet-i mezbûreyi ikrâr eyledikden sonra zikr olunan meblağ-ı merkūm Cafer’den şer‘an hükm olunup Muhzır Mustafa’ya havâle olundukdan sonra kendi ihtiyârı ile mezbûr Cafer eğer târih-i kitâbdan doksan güne değin ya kefîl olduğum Mehmed’i bulur görür veyâhud kendim gelir mezbûr Süleyman beni[mle] buluşmaz avretim Fâtıma benden bâyin talâk boş olsun dediği bi’t-taleb kayd-ı sicil olundu. Fî 5 Rebî‘ilevvel sene elf. Şuhûdü’l-hâl: es-Sâbikūn