Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 597 Hüküm no: 1177 Orijinal metin no: [114b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todori v. Yani’nin, Yakob v. İsak’a borcuna karşılık evini rehin verdiği Yahudi tâifesinden Yakob v. İsak nâm Yahudi mahfil-i kazâya karye-i Çengel sâkinlerinden Todori v. Yani nâm zimmî mahzarında takrîr-i da‘vâ edip mezbûrun zimmetinde karzdan dokuz bin yüz altmış akçe hakkım vardır karye-i mezbûrede inde’l-ahâlî hudûd-ı ma‘lûmem olan evlerini bana alâ tarîki’r-rehn vermişdir ve anası Teomayi bt. Lavodi nâm zimmîye kefîl olmuşdur dedikde mezbûr dahi tasdîk edip mâ vaka‘a bi’t-taleb kayd olundu. Şuhûdü’l-hâl: Muttalib b. Süleyman, Mehmed b. Habîb, Mustafa b. Mehmed, Mehmed b. Behrâm, Toma Elezmi, Kiryakoz Reis ve gayruhüm Derkenar: Ba‘dehû mezbûr Todori eğer târih-i kitâbdan beş güne değin kaçıp gaybet ederiz efendisi Emirbaşı Bâli üç bin akçeye nezir olur dediği kayd.