Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 600 Hüküm no: 1185 Orijinal metin no: [115b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Piyâle Bey’in hizmetinden iken hataları sebebiyle eşyaları alınan Mansur’un, eşyalarının geri verildiği Sebeb-i tahrîr-i hurûf oldur ki Sâbıkan mirmîrân hazretleri kethüdâsı Piyâle Bey cânibinden husûs-ı âtînin tasdîkine vekîl-i şer‘î olan Cebeci Mehmed ile Mansur nâm kimesne meclis-i şer‘a hâzırûn olduklarında merkūm Mansur takrîr-i merâm edip ben mezbûr Piyâle Kethüdâ hâdimlerinden idim ba‘zı hizmetde kusûrumuz olmağın kılıç ve hançer ve ba‘zı esbâbım alıp hıfz etmişlerdi hâlâ kendilerinde olan cemî‘ esvâb ve esbâbımızı kabz ettim cümlesini bana teslîm ettiler zimmetlerinde bir akçe ve bir habbe hakkım ve mâlım kalmadı deyu ikrâr-ı tav‘î ettikde mezbûr Mansur vekâleten mukırr-ı mezbûru cemî‘ ikrârında vicâhen tasdîk edip bu husûsda mezbûr Piyâle Kethüdâ’nın zimmetlerinin berâ’atine hükm olunup sebt-i sicil olundu. Tahrîren fî evâhiri Zilka‘de sene 999. Şuhûdü’l-hâl: İbrahim Çavuş el-kadı, Yusuf b. Abdullah Yeniçeri, İbrahim Ağa, Hamdullah Çelebi el-müderris, Ahmed Çelebi b. Hacı Murad