Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 602 Hüküm no: 1189 Orijinal metin no: [115b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yeniçeri Durak b. Mehmed ile eşi Bedriye bt. İsmail ile ortak aldıkları evin paylaşımı Mahrûse-i Üsküdar mahallâtından mahalle-i Ma‘mûre’de vâki‘ Çavuş Deresi demekle ma‘rûf mevzi‘de sâkin Yeniçeri Durak b. Mehmed nâm kimesne mahfil-i kazâda bi’l-fi‘l zevci olan Bedriye bt. İsmail nâm hâtun mahzarında takrîr-i merâm edip bundan akdem mahalle-i mezbûrede vâki‘ hudûdunun bir tarafı Cafer b. Abdullah mülküne ve taraf-ı âharı Muhzır Mahmud b. Celil mülküne ve bir tarafı Tavâşî Mehmed mülküne ve bir tarafı vâdiye müntehî olan menzili zevcem mezkûre ile ber vech-i iştirâk altı bin akçeye iştirâ edip mâ beynimizde sınır ta‘yîn olunmuş idi el-hâletü hâzihî zikr olunan menzilin nısfını ki içinde olan kuyunun nısfı ile mezbûr Piyâle’ye ta‘yîn olunup ve nısf-ı âharın mezbûr kuyunun nısfı ile ve Ümmî nâm hâtundan bin akçeye alınan yeri dahi bana ta‘yîn eylediler dediği kelimâtı merkūme tasdîk edip kayd-ı sicil. Şuhûdü’l-hâl: Hacı Sinan b. Muslihiddin, Cafer b. Abdullah, İlyas b. Abdullah, İsmail b. Abdullah, Ali b. Abdullah, Mehmed b. Habîb, Nakkaş Mehmed, Cafer b. Abdullah